چیف جسٹس لاہور ہائیکورٹ کا ملازمتوں میں خصوصی افراد کے کوٹے پر عمل کا حکم

 لاہور: چیف جسٹس لاہور ہائی کورٹ جسٹس انوار الحق نے سرکاری ملازمتوں میں خصوصی افراد کے کوٹے پر سختی سے عمل کا حکم دے دیا ہے۔

ایکسپریس نیوز کے مطابق رجسٹرار لاہور ہائی کورٹ نے چیف جسٹس کی جانب سے پنجاب بھر کے تمام ڈسٹرکٹ اینڈ سیشن ججز کو مراسلہ جاری کردیا ہے جس میں سرکاری ملازمتوں میں خصوصی افراد کے کوٹے پر سختی سے عمل کا حکم دیا گیا ہے۔

مراسلے میں کہا گیا ہے کہ خصوصی افراد کو تمام سہولتیں دینے میں ذرہ بھر بھی کوتاہی سے کام نہ لیا جائے۔ ان سے بدتمیزی یا تضحیک آمیز رویہ بالکل بھی اختیار نہ کیا جائے۔ خصوصی افراد سے بدتمیزی کرنے والوں کے خلاف فوری تادیبی کارروائی کی جائے۔ نجی و سرکاری اداروں میں انہیں خاص اہمیت دی جائے اور ان کے عدالتوں میں زیر التوا کیسز ہنگامی بنیادوں پر سن کر فیصلے کیے جائیں۔

The post چیف جسٹس لاہور ہائیکورٹ کا ملازمتوں میں خصوصی افراد کے کوٹے پر عمل کا حکم appeared first on ایکسپریس اردو.

from ایکسپریس اردو https://ift.tt/2BveFNF