Mujhe Rona Nahi Awaz Bhi Bhari Nahi Karni....
Mohabbat Ki Kahani Me Adakari Nahi Karni...!!!
Humara Dil Zara Ukta Gaya Tha Ghar Me Hi Reh Kar....
Yunhi Bazar Aaye Hain, Khareedari Nahi Karni...!!!
Tahammul Aye Mohabbat, Hijar Pathreela Elaqa Hai....
Tujhe Is Raaste Pr Taiz Raftaari Nahi Karni...!!!
Hawa K Khauf Se Lipta Hua Hun Khushk Tehni Se....
Kaheen Jana Nahi, Jane Ki Tayyari Nahi Karni...!!!
Ghazal Ko Kam-Nigahon Ki Pohanch Se Door Rakhta Hun....
Mujhe Banjar Dimaghon Me Shajarkaari Nahi Karni...!!!
Naseehat Ki Thi Mujh Ko Qais Ne Sehra K Bare Me....
Ye Mera Ghar Hai Is Ki Chaardewari Nahi Karni...!!!
